د بدخشان ولایت د پوهنې رییس وايي، د پوهنې وزارت د عمومي زده کړو له پروګرام څخه د بدخشان ولایت د کوټې په نوم څه باندې ۳۱۸ زره ټوکه کتابونه تخصیص شوي او د ښوونیزو کتابونو دغه لویه بسته د "GAS" له لارې فیض اباد ښار ته لېږدول شوې ده. 

آوا- - مزارشریف: د بدخشان ولایت د پوهنې رئیس مولوی محراب الدین اقبال وایی چې په تیرو وختونو کې په بدخشان ولایت کې د زده کوونکو لپاره د درسی کتابونو د نشتوالی ستونزه نه وه او نه شتون. د زده کوونکو لپاره د درسي کتابونو کمښت په بدخشان ولایت کې د اغیزمنو ښوونیزو فعالیتونو پر وړاندې لویه ستونزه ده، خو د راتلونکي کال لپاره دغه ستونزه په بشپړه توګه حل شوې ده.
 
هغه زیاته کړه: "د پوهنې وزارت د عمومي زده کړو له پروګرام څخه د بدخشان ولایت د کوټې په توګه ټولټال ۳۱۷۸۹۴ ټوکه کتابونه تخصیص شوي او د تعلیمي کتابونو دغه لویه بسته د GAS له لارې فیض آباد ښار ته لېږدول شوې ده."
 
مولوي اقبال وويل، چې په راتلونکي کال کې به د تعليمي کتابونو دغه لېږد رالېږل شي، چې زده کوونکي به د درسي کتابونو د کمښت له ستونزې سره مخ نه شي او په دې لېږد کې له څلورم څخه تر دولسم ټولګي پورې کتابونه او د استاد لارښود شامل دي.
 
ياد شوي وويل، چې د رالېږل شوي تحصيلي کتابونو يوه برخه د شغني او ازبکي ژبې دي او له لومړي څخه تر شپږم ټولګي پورې د شغني ژبې او له لومړي څخه تر نهم ټولګي پورې په ازبکي ژبه کتابونه دي. دغه راز دکتابونو دغه بار په معياري بڼه انتقال شوي دي.
 
د يادونې وړ ده، چې په بدخشان ولايت کې د پوهنې مضمونونه په فارسي، ازبکي او شوغني ژبو تدريس کېږي او تر دې وړاندې هم هر کال د دغه ولايت زده کوونکي د درسي کتابونو د کمښت له ستونزې سره مخ وو.