د رئیس الوزرا اداري مرستيال د دولتي ملي پرمختيايي شرکت له مشر سره په کتنه کې وويل چې د غوث تپې کانال په ګډون د سترو پرمختيايي پروژو تطبيق د اسلامي امارت له لومړيتوبونو څخه دى.

آوا - کابل: د رئیس الوزرا مطبوعاتي دفتر د یوې خبرپاڼې په خپرولو سره د ملي پرمختیايي شرکت له مشر عبدالرحمن عطاش سره د مولوي عبدالسلام حنفي د لیدنې خبر ورکړی دی.

په دې کتنه کې لومړی د اماراتو د ملي پراختیایي شرکت رئیس عبدالرحمن عطا خبرې وکړې او د رئیس الوزرا اداري مرستیال په توګه یې د دغه شرکت د دندو او فعالیتونو په اړه راپور وړاندې کړ.

هغه د قوش تپې د کانال پروژې د يوې لويې برخې د بشپړېدو خبر ورکړ او ويې ويل، چې ملي پراختيايي شرکت ډېرې پرمختيايي پروژې په لاس کې لري، چې ځينې يې بشپړې شوې او پر ځينو يې کار روان دى.

د ملي پرمختيايي شرکت مشر هم د چموري روغتون د ترميم د چارو په اړه معلومات ورکړل او زياته يې کړه، چې په نږدې راتلونکي کې به يې چارې بشپړې او ګټې اخيستنې ته وسپارل شي.

د رئیس الوزرا اداری مرستیا مولوي عبدالسلام حنفي وويل چې د قوش تپې کانال په ګډون د لويو پرمختيايي پروژو تطبيق د اسلامي امارت له لومړيتوبونو څخه دى او د هغو په بشپړيدو سره به د کار زمينه برابره شي.

عبدالسلام حنفي دغه راز د ملي پراختيايي شرکت له مسوولينو څخه وغوښتل چې د پروژو د تطبيق په بهير کې له دقت څخه کار واخلي او د هېواد د پرمختګ په لاره کې هلې ځلې وکړي.