د "هینلي" پاسپورټ انډیکس چې هر کال د نړۍ د هېوادونو د پاسپورټ اعتبار درجه بندي کوي، په خپل تازه راپور کې ویلي چې افغانستان په نړۍ کې تر ټولو کم پاسپورت لري.

آوا - کابل: د دغه شاخص له مخې د فرانسې، آلمان، ایټالیا، جاپان، سینګاپور او هسپانیې پاسپورتونه په نړۍ کې تر ټولو معتبر پاسپورتونه پیژندل شوي او د هغو په لرلو سره کولای شي د نړۍ ۱۹۴ هیوادونو ته پرته له ویزې سفر وکړي.
 
د هینلي پاسپورټ شاخص د نړۍ د هیوادونو پاسپورتونه د ویزې پرته د سفر اعتبار پراساس درجه بندي کوي.
 
فنلنډ، سویلي کوریا، فنلنډ او سویډن په دویمه کټګورۍ کې دي، چې خاوندان یې کولای شي د نړۍ ۱۹۳ هېوادونو ته له ویزې پرته سفر وکړي.
 
له هغه وروسته ډنمارک، ایرلنډ، هالنډ او اتریش په درېیم ځای کې دي او انګلستان د دوو مقامونو په لرلو سره څلورم ځای ته رسېدلی دی.

استرالیا، نیوزیلنډ او امریکا هم په دې درجه بندۍ کې شتون لري.

د نړیوال پاسپورت درجه بندي د نړیوال هوایی ټرانسپورټ اتحادیې یا IATA لخوا چمتو شوي معلوماتو پراساس ده ، کوم چې د نړۍ پاسپورتونه د هغه ځایونو د شمیر پراساس درجه بندي کوي چې د دوی لرونکي یې له ویزې پرته لاسرسی کولی شي.

د دې درجه بندۍ له مخې متحده عربي امارات په تېره یوه لسیزه کې تر ټولو ډېر لوړوالی تجربه کړی، چې په دې توګه په ۲۰۱۴ کال کې له ۵۵مې درجې څخه ۱۱مې درجې ته پورته شوی دی.

په دې درجه بندۍ کې د افغانستان پاسپورت د جدول په پای کې او په ۱۰۴م ځای کې دی. افغان پاسپورت لرونکو ته اجازه ورکول کېږي چې ۲۸ هېوادونو او سیمو ته له ویزې پرته سفر وکړي.