آوا: په سور سمندرګی کی یوه امریکایی بیړۍ د یمن د بالستیک توغندیو په وسیله په نښه شوې ده.

 

العهد عراقي خبري سایټ هم د یمني سرچینو په حواله راپور ورکړی چې د سور سمندر په مرکز، د هانیش ټاپو په شمال او د یو ایس ایس آیزن هاور په موقعیت کې د دوو چاودنو غږونه اوریدل شوي دي.

 

د انصارالله د شورا غړی عبدالسلام جحف په خپله ایکس پاڼه کی ولیکل: د امریکا لومړۍ بیړۍ د خدای په فضل سره ډوبه شوه.

 

ځینو غیر رسمي سرچینو هم ادعا کړې چې د ایزن هاور الوتکې وړونکې بیړۍ د یمن د وسله والو ځواکونو د توغندیزو بریدونو هدف و. تر اوسه د دغو بریدونو د پایلو په اړه معلومات نه دي ورکړل شوي.

 

دا برید د یمن پر بېلابېلو سیمو د امریکا او بریتانیا د هوايي بریدونو په غبرګون کې کېږي.