د پاسپورټ عمومي رئیس عبدالکریم حسیب په یوه ویډیويي پیغام کې وايي، چې د پاسپورټونو د وېش بهیر به د چهارشنبې په ورځ (د جدی ۲۰مه) په پلازمېنه کې پیل شي.

آوا - کابل: د پاسپورتونو د عمومي ریاست د معلوماتو له مخې، په ولایتونو کې به هم د پاسپورټونو د ویش بهیر پیل شي.

ویل شوي چې دا اسانتیا یوازې د هغو کسانو لپاره ده چې معقول دلیل ولري؛ د بېلګې په توګه: د کورنۍ ټول غړي پاسپورتونه لري پرته له یوه یا دوو غړو او همدارنګه په نورو څانګو کې د معتبرو دلایلو لپاره.

دا هم ویل شوي چې اوس مهال دا پروسه یوازې د چهارشنبه په ورځ ده چیرې چې سپینه عریضه تحویلیږي او په مخ کې یو سټیکر ورکول کیږي چې د پاسپورټ ترلاسه کولو لپاره د غوښتنلیک نیټه مشخص کوي (له یوې څخه تر دوه اونۍ)، غوښتونکي باید په کې مشخص کړي چې عریضه چې دوی پنځه کلن یا لس کلن پاسپورت ترلاسه کوي.

د پاسپورټ د رئيس په وينا، ډېر ژر به دغه پروسه په ولايتونو کې هم پيل شي.