د اطلاعاتو او فرهنګ وزارت سرپرست ملا خیرالله خیرخواه د بدخشان ولایت د اطلاعاتو او فرهنګ له رئیس سره په کتنه کې وویل: «اسلامي امارت هوډ لري چې په هیواد کې د لرغونو اثارو ساتنه وکړي» او هغه کسان چې لرغوني اثار قاچاق کوي، د قانون منګولو ته وسپاري.
د اطلاعاتو او فرهنګ وزارت سرپرست:
اسلامي امارت هوډ لري چې د هیواد د لرغونو اثارو ساتنه او پالنه وکړي
11 جدی 1402 ساعت 12:19
د اطلاعاتو او فرهنګ وزارت سرپرست ملا خیرالله خیرخواه د بدخشان ولایت د اطلاعاتو او فرهنګ له رئیس سره په کتنه کې وویل: «اسلامي امارت هوډ لري چې په هیواد کې د لرغونو اثارو ساتنه وکړي» او هغه کسان چې لرغوني اثار قاچاق کوي، د قانون منګولو ته وسپاري.
آوا - کابل: د اطلاعاتو او فرهنګ وزارت مطبوعاتي دفتر نن (دوشنبه، د جدی ۱۱مه) یوه خبرپاڼه خپره کړې او ویلي یې دي چې د بدخشان د اطلاعاتو او فرهنګ رئیس د تاریخي اثارو د ساتنې لپاره د اطلاعاتو او کلتور وزارت سرپرست ملا خیرالله خیرخواه سره د دغو لرغونو زیرمو د قاچاق د مخنیوي په موخه لیدنه وکړه.
د بدخشان د اطلاعاتو او فرهنګ رئيس د يادې ادارې د دندو او کاري فعاليتونو په اړه د معلوماتو ورکولو په ترڅ کې زياته کړه چې د بدخشان لرغوني اثار په دقت سره ساتل شوي دي.
د هغه په وينا، تر اوسه د بدخشان په جغرافيه کې هېڅ ډول استخراج نه دى شوى.
له بلې خوا د اطلاعاتو او فرهنګ وزارت سرپرست وویل چې اسلامي امارت هوډ لري چې په هیواد کې د لرغونو اثارو ساتنه او پالنه وکړي او له هغو کسانو سره به قانوني او جدي چلند وشي چې د تاریخ په اوږدو کې دغه لرغوني اثار يي قاچاق او لوټ کړي.
د يادونې وړ ده، چې څو ځلې د امنيتي ځواکونو له خوا پاکستان ته د دغه هېواد د لرغونو اثارو د قاچاق مخه نيول شوې ده.
د مطلب کود: 283276