آوا - کابل: د اسلامی امارت د کلیو پراختیا او بیارغونې وزارت مطبوعاتي دفتر د یوې خبرپاڼې په خپرولو سره ویلي چې په بغلان ولایت کې د دغه وزارت په مالي لګښت د اوبو رسولو ۸ شبکې نصب شوې چې څه باندې ۵۳ افغانۍ ارزښت لري. د کلیو د بیارغونې او پراختیا وزارت سرپرست ملا محمد یونس اخندزاده او د دوی د پلاوي په مشرۍ د یوې غونډې په ترڅ کې د میلیونونو افغانیو مرسته وشوه.

 

د بيارغونې وزارت د معلوماتو له مخې، په يادو شويو شبکو کې د څلورو ژورو څاګانو کيندل، د اوو کانکريټي زېرمو جوړول، د ١٨٨٠ نلونو نصبول، د ٢٩٠ لمريزو تختو نصبول او د ٦١٢٢٧ مترو په اوږدوالي پايپ لاينونه غځول شامل دي.

 

په خبرپاڼه کې راغلي، چې د يادو پروژو د کار په ترڅ کې سلګونو کارګرانو ته د کار کولو زمينه برابره شوې ده.

 

د يادو شبکو په بشپړېدو سره د دغه ولايت په بېلابېلو ولسواليو کې ۳۸۴۸ کورنۍ د څښاک پاکو اوبو ته لاسرسی پيدا کړي.