آوا - له پاکستان څخه کاناډا ته د ۳۳۹ افغان اتباعو انتقال

له پاکستان څخه کاناډا ته د ۳۳۹ افغان اتباعو انتقال

د کاناډا حکومت په دې وروستیو کې اعلان وکړ چې له پاکستان څخه یې په یوه چارټر الوتنه کې ۳۳۹ نور افغان اتباع دغه هېواد ته لېږدولي دي.

آوا: د کاناډا د مهاجرت او تابعیت ریاست په ایکس ټولنیزه شبکه کې اعلان کړی چې دغه کسان له پاکستان څخه د ټورنټو ښار ته لیږدول شوی دی.

ادارې وویل چې دوی به په کاناډا کې 40 ځایونو ته کډه شي ، پشمول د کالګاري ، سینټ جانز او وینډسر.

په تېره میاشت کې کاناډا یو ځل بیا له پاکستان څخه هغه هېواد ته د افغان اتباعو د لېږدولو اعلان وکړ.

دغه هېواد وايي، له افغانستان څخه د څلوېښت زره کډوالو د منلو هدف ته رسېدلي او هغه دوسيې چې پخوا يې منل شوې وې، د څېړلو په حال کې دي.