آوا - کابل: د کندهار ولایت د اسلامی امارت د اطلاعاتو او فرهنګ ریاست د ایکس شبکې په حواله لیکلی چې د تخته پول ولسوالۍ په انجرګی کمپ کې د راستنیدونکو مهاجرینو د ثبت او پیژندنې د کمیټې مسؤلینو د ٣٢٢ کورنیو نوم لیکنه کړې ده.

 

د پاکستان موقت حکومت د نومبر له لومړۍ نېټې څخه د بې اسنادو افغان کډوالو د ایستلو بهیر پیل کړ.

 

د نړیوالو سازمانونو او بنسټونو او د طالبانو د چارواکو په وینا تر اوسه له ۴۶۰ زرو څخه زیات افغانان له پاکستانه شړل شوي دي.

 

له پاکستان څخه د افغان کډوالو د ویستلو بهیر په شدت سره روان دی او د ژمي په رارسیدو سره د راستنیدونکو لپاره جدي اندیښنه ده.