پاکستاني رسنیو خبر ورکړی، چې د دغه هېواد د موقت حکومت د کورنیو چارو سرپرست وزیر سرفراز بګټي له خپلې دندې استعفا کړې ده.

آوا - کابل: د ایکسپریس ټریبیون د راپور پر بنسټ، بګټي درې ورځې وړاندې خپله استعفا وړاندې کړه او د پاکستان موقت لومړي وزیر د جمعې په ورځ (دسمبر ۱۵مه) ومنله.

د هغه د ایستلو هدف د پاکستان په راتلونکو انتخاباتو کې برخه اخیستل دي.

ټاکل شوې د پاکستان عمومي ټاکنې د ۲۰۲۴ کال د فبرورۍ په اتمه ترسره شي.

سرفراز بګټي د بلوچستان عوامي ګوند غړی و چې وروسته له پاکستان مسلم لیګ ګوند سره یوځای شو، خو نوموړي په راتلونکو ټاکنو کې له دغه ګوند سره د یوځای کېدو په اړه څه نه دي ویلي.

په تېر څه باندې یوه کال کې، په تېره بیا د دغه هېواد د پخواني لومړي وزیر عمران خان له ګوښه کېدو وروسته، په پارلمان کې د نه باور له رايې ورکولو وروسته، پاکستان له ګڼو سیاسي، اقتصادي او امنیتي بحرانونو سره مخ شوی دی.