د پاکستان د بهرنیو چارو وزیر جلیل عباس جیلاني په افغانستان کې د ملګرو ملتونو د عمومي منشي له ځانګړې استازې او د یوناما له مشرې روزا اوتونبایوا سره په لیدنه کې ویلي، چې پاکستان د افغانستان د سولې په اړه له نړیوالې ټولنې سره همکارۍ ته ژمن دی.

آوا: د پاکستان د بهرنیو چارو وزیر د دوشنبې په ورځ (د قوس ۲۰ مه) د افغانستان لپاره د ملګرو ملتونو د سرمنشي له ځانګړې استازې روزا اوتونبایوا سره په کتنه کې د پاکستان له نړیوالې ټولنې سره د همکارۍ د دوام ژمنه څرګنده کړه. په ځانګړې توګه ملګري ملتونه د یو سوله ایز، باثباته او سوکاله افغانستان لپاره.

په دې کتنه کې ښاغلي جیلاني په افغانستان کې د یوناما د مهمو دندو پر دوام ټینګار وکړ.