د افغان سرې میاشتې ټولنه وايي، د زړه په ناروغۍ اخته ۳۱ ماشومان یې د جراحي لپاره د کابل دوو روغتونونو ته لېږدولي دي.

آوا - کابل: د دغه دفتر د معلوماتو له مخې د دغو ناروغانو د درملنې او عملیاتو ټول لګښتونه د افغان سرې میاشتې ټولنې له خوا ورکول کیږي.

د افغان سرې میاشتې ټولنې اعلان کړی، چې ۲۵۵۶ ماشومان یې د درملنې لپاره د دغه مرکز روغتونونو ته لېږدولي دي.

دا په داسې حال کې ده، چې تر دې وړاندې د افغانستان طبي مرکزونه د زړه د ناروغۍ د درملنې وړتيا نه درلوده؛ له همدې امله د افغان سرې میاشتې ټولنې له خوا د جرمني د سولې کلي په همکارۍ د زړه په ناروغۍ اخته ماشومان د درملنې لپاره جرمني ته واستول شول.

د يادونې وړ ده چې د زړه سوري يو له هغو ناروغيو څخه ده چې د نړۍ په ډېرو کمو هېوادونو کې يې درملنه کېږي.