آوا – کابل: د ملګرو ملتونو د خوړو او کرنې سازمان (FAO) په ایکس چینل کې د یوه پیغام په خپرولو سره د «ژمی غنمو» کمپاین پیل اعلان کړ.

 

دغه سازمان زیاته کړه چې په دې کمپاین کې بزګران هم روزل شوي دي.

 

FAO زیاته کړه چې دا اقدامات د خوړو خوندیتوب او د کلیوالي معیشت ښه کولو په لور یو حرکت دی.

 

بايد يادونه وشي چې د افغانستان د وګړو په ځانګړې توګه د کليوالو اوسيدونکو د ژوند يوه مهمه برخه کرنه ده.

 

څه موده وړاندې په کندوز کې کروندګرو د کرنې د میکانیزم او د نباتاتو د ناروغیو د مخنیوي په برخه کې له نه پاملرنې شکایت وکړ او له مسوولو دولتي بنسټونو او د ملګرو ملتونو له بنسټونو یې د همکارۍ غوښتنه وکړه.