آوا - غزني: د کورنیو چارو وزارت سرپرست سراج الدین حقاني دغه څرګندونې غزني ولایت ته د خپل سفر په ترڅ کې یوې ولسي غونډې ته وکړې.

 

هغه له پاکستان څخه د افغان مهاجرينو اخراج د نړيوالو قوانينو خلاف وباله او ويې ويل: سره له دې چې پاکستان په تيرو دوو انقلابونو کې له افغان مهاجرينو سره ښه چلند کړى دى خو له دغه هيواد څخه د مهاجرينو ايستل موږ ته زيان رسوي.

 

هغه له خلکو هم وغوښتل چې له پاکستانه د شړل شویو کډوالو سره مرسته او همکاري وکړي.

 

د کورنیو چارو د وزارت پر سرپرست نیوکه په داسې حال کې کېږي، چې پاکستان له تېرې یوې میاشتې راهیسې له دغه هېواده د بې اسنادو کډوالو د ایستلو لړۍ پیل کړې او ټاکل شوې یو میلیون او ۷۰۰ زره افغان کډوال له دغه هېواده وایستل شي.

 

د يادونې وړ ده، چې تر دې وړاندې د اسلامي امارت نورو چارواکو هم د پاکستان پر دې پرېکړې نيوکې کړې وې.