آوا – کابل: د کډوالو او راستنیدونکو چارو وزارت مطبوعاتي دفتر نن په یوه خپره کړې خبرپاڼه کې ویلي، چې په تېره یوه ورځ کې درې زره او ۱۶۱ افغان کډوال له پاکستان څخه هېواد ته راستانه شوي دي.

 

د ننګرهار ولایت د تورخم سرحدي قوماندانۍ د معلوماتو له مخې، ۵۷۶ کورنۍ چې ۳۱۶۱ تنه په کې شاملې دي، له پاکستان څخه په زوره راستانه شوي او د کډوالۍ په چارو کې له نوم لیکنې وروسته د ملګرو ملتونو د عالي کمېشنرۍ او نړیوال سازمان دفترونو ته ورپېژندل شوي دي.