آوا - د اسلامی امارت د صنعت او سوداګرۍ وزارت مطبوعاتي دفتر د یوې خبرپاڼې په خپرولو سره ویلي، چې نورالدین عزیزي د دغو صنعتي ښارګوټو په پرانیستلو کې د افغانستان پر صنعتي کیدو ټینګار کړی دی.

 

بست صنعتي ښارګوټي ۱۷۵ جریبه ځمکه او ملي صنعتي ښارګوټي په هلمند ولایت کې دوه زره جریبه مساحت لري.

 

د صنایعو او سوداګرۍ وزارت سرپرست زیاته کړه، په هېواد کې د صنعتي ښارګوټو پرانیستل، د افغانستان له وارداتي اقتصاد څخه په صادراتو متکي اقتصاد باندې بدلول د اسلامي امارت د اقتصادي پالیسۍ له لومړیتوبونو څخه دي.

 

د یادولو وړ ده چې د اسلامي امارت د صنایعو او سوداګرۍ وزارت سرپرست تر دې وړاندې هم کندهار ولایت ته سفر کړی او هلته یې د تولیدي فابریکو څخه لیدنه کړې ده.