آوا - کابل: د ترانسپورت وزارت د چارواکو په وینا، د قلعه نو هوايي ډګر په ټولو تخنیکي وسایلو سمبال او د کورنیو الوتنو لپاره چمتو دی.

 

د ترانسپورت او هوايي چلند وزارت وياند امام الدين احمدي وويل: د بادغيس ولايت د قلعه نو هوايي ډګر چې په ١٣٤٧ کال کې جوړ شوى، د ترانسپورت او هوايي چلند وزارت له خوا په تخنيکي وسايلو سمبال شوى او د کورنيو چارو لپاره چمتو دی.

 

د باختر آژانس د خبر له مخې: ده زياته کړه: دغه هوايي ډګر رن وي، د کنترول برج، د هوا پېژندنې خدمات، د اور وژنې وسايل او نور فعاله تخنيکي وسايل لري چې مسافرينو ته د خدمتونو په وړاندې کولو کې مهم رول لوبوي.

 

د هغه په ​​وينا، په دغه هوايي ډګر کې د الوتنو شمېر د پخوا په پرتله زيات شوى دى.