آوا - د قشقري د نفتو له څاګانو څخه د تيلو د استخراج زياتوالى

د قشقري د نفتو له څاګانو څخه د تيلو د استخراج زياتوالى

د سرپل ولایت سیمه ییزو چارواکو د دغه ولایت د قشقري د نفتو له څاګانو څخه د تېلو د استخراج د زیاتوالي خبر ورکړی دی

آوا: د سرپل والي محمد یعقوب عبدالرحمن واحد چې پرون یې له دغو څاګانو څخه لیدنه وکړه، وویل چې د قشقري د نفتي څاګانو د استخراج اندازه د ورځې له ۶۵۰ ټنو څخه ۹۰۰ ټنو ته لوړه شوې ده.

د سرپل والي دا هم ویلي دي چې له دې سیمې څخه د تیلو د استخراج ورځنی عاید هم ۶۰۰ زره ډالرو ته رسیږي.

که څه هم افغانستان د نفتو او ګازو زیرمې لري، خو بیا هم له بهر څخه د تیلو په واردولو تکیه لري، نو ځکه یې بیې کله ناکله د بېلابېلو دلایلو له امله په ډراماتیک ډول لوړېږي.