آوا - کابل: میرویس عزیزی په اکس چینل کې لیکلی، هغه بشری ناورین چې له پاکستان څخه د افغان کډوالو د جبری شړلو په پایله کې رامنځته شوی، «زما لپاره د ژور احساساتو سرچینه ده».

 

هغه زياته کړه، چې دغه مرسته د کډوالو او راستنېدونکو کورنيو د ګرمو خوراکي توکو، ژمنيو جامو او نورو عاجلو اړتياوو په برابرولو کې کېږي.

 

د ښاغلي عزيزي په وينا، سبا به د ده د بنسټ له لارې د تورخم او سپين بولدک سرحدي سيمو ته د اړتياوو د کچې د لوړولو او د مرستو د رسولو پروګرام په لاره واچوي.

 

له اسنادو پرته له ۱،۷ میلیونو څخه زیاتو مهاجرو او پناه غوښتونکو ته له ورکړل شوي ضرب الاجل وروسته، د پاکستان پولیسو د هغوی د نیولو او شړلو لړۍ پیل کړې ده.

 

په ننګرهار کې د اسلامي امارت سیمه ییزو چارواکو په دې وروستیو کې ویلي چې د تورخم له لارې څه باندې پنځوس زره کورنۍ هېواد ته داخلې شوې دي.

 

که څه هم اسلامي امارت وايي، له پاکستانه د ایستل شویو کډوالو او کډوالو ستونزو هواري ته چمتو دي، خو د ژمي د موسم په رانږدې کېدو سره مرستندویه بنسټونو د خوراکي او سرپناه د نشتوالي په اړه اندېښنه ښودلې ده.