آوا – کابل: دغه نړیوال مرستندویه سازمان په خپله X ټولنیزه پاڼه کې لیکلي، چې دغه سازمان چمتووالی لري چې له یو میلیون افغانانو سره چې بیرته خپل هیواد ته ستانه شي، ملاتړ وکړي.

 

د دغه سازمان مشرې سنډي مکین ویلي دي چې د خوړو نړیوال پروګرام له پاکستانه په پوله پر ۶۰ زره راستنیدونکو افغان کډوالو خوراکي توکي ویشلي دي.

 

د ملګرو ملتونو د خوړو نړیوال پروګرام مشر همداراز زیاته کړه، چې د ژمي په رارسېدو سره له زلزله ځپلو افغانانو سره د مرستې لپاره کافي مالي سرچینې نه دي برابرې شوي.

 

دا په داسې حال کې ده، چې د پاکستان له لوري د بې اسنادو افغان کډوالو د ایستلو له پرېکړې وروسته هره ورځ زرګونه افغانان افغانستان ته داخلېږي.