آوا - کابل: د هېواد د تکواندو فدراسیون په ایکس ټولنیزه پاڼه کې لیکلي چې د افغانستان د تکواندو ملي لوبډلې د پاکستان په کوربه توب د اسیا د ازادو تکواندو سیالیو د پنځم پړاو اتلولي خپله کړه.

 

د دغه فدراسیون د معلوماتو له مخې، په دې سیالیو کې د هېواد ملي لوبغاړي دوه د سرو زرو، دوه د سپینو زرو او یو د برونزو مډالونه ګټلي دي او محمد بشیر ترکي د غوره روزونکي او محسن رضايي په دې سیالیو کې د غوره لوبغاړي جایزه ترلاسه کړې ده.

 

د يادونې وړ ده، چې د پاکستان په کوربه توب د نړۍ د ۲۳ هېوادونو ترمنځ د «G2» په نوم د اسيا د تکواندو د پرانيستې سيالۍ په اسلام اباد کې پيل شوې وې.