آوا - کابل: په اسلام اباد کې د افغانستان سفارت په ایکس ټولنیزه شبکه کې لیکلی، چې په اسلام اباد کې د افغانستان سفارت مشر سردار احمد شکیب د کډوالو په چارو کې د ملګرو ملتونو د عالي کمیشنرۍ پر نه پاملرنې نیوکه کړې ده. د پاکستان په پېښور ښار کې په زرګونو افغان کډوال راجستر کړي او وايي، په داسې حال کې چې اته زره افغان کډوال د خپلو ستونزو د هواري په تمه دي، د دغه دفتر فعالیت "هیڅ هم نه" دی.

 

ښاغلي شکیب څرګنده کړه، چې هره ورځ له ۱۰ تر ۱۵ کورنۍ راجستر کېږي او د نوم لیکنې په بهیر کې ځنډ باید چټک شي، څو د بشري ناورین مخه ونیول شي.

 

دا په داسې حال کې ده چې شاوخوا یوه میاشت وړاندې د پاکستان حکومت ۱.۷ میلیونه مهاجرینو ته د نومبر تر لومړۍ (د عقرب ۱۰مه) تر «بې له دې چې د استوګنې له اسنادو سره» له دې هېواده ووځي. پاکستان خبرداری ورکړی، چې که ونه وځي، دغه کډوال به ونیول شي او ویستل به شي.

 

د کډوالو او راستنیدونکو چارو وزارت چارواکي وايي، چې له تېرې شپې څخه تر نن سهار (د عقرب ۱۳ مه) پورې یوازې د تورخم له لارې ۵۶ زره ۸۷۲ افغان کډوال هېواد ته راستانه شوي دي.