آوا: د بادغیس ولایت د اسلامی امارت د عامی روغتیا ریاست د اعلامیې له مخې، دغه روغتیایی مرکزونه د جوند، بالامرغاب، ابکمری، قادس او مقر په ولسوالیو کې جوړ شوی دی.

 

دغه رياست وايي چې د دغو کوچنيو روغتيايي مرکزونو د جوړولو لګښت ٢٥ ميليونه افغانۍ دى.

 

په بادغیس کې د اسلامي امارت د عامي روغتیا ریاست د معلوماتو له مخې، د دغو روغتیايي مرکزونو د جوړولو چارې څلور میاشتې وړاندې پیل شوې وې او نن ګټې اخیستنې ته وسپارل شوې.

 

روغتيايي سرپناه هغه کوچني او لومړني روغتيايي مرکزونه دي چې په کليو کې جوړ شوي او د ميندوارو ښځو لپاره روغتيايي خدمتونه وړاندې کوي.

 

د يادونې ده، چې د هرات ولايت په بېلابېلو ولسواليو کې د نړيوالو موسسو په همکارۍ ٢٥ روغتيايي ځالې جوړې شوې دي.