آوا - کابل: د اسلامي امارت ویاند ذبیح الله مجاهد نن (پنجشنبه د سنبلې ۳۰مه) په خپل ایکس اکاونټ کې لیکلي چې د اسلامي امارت مشر هبت الله اخندزاده د کندهار ولایت د عینو ميني ۳۵۰ بستریز روغتون څخه لیدنه وکړه.

 

هغه زیاته کړه، د اسلامي امارت رهبري پلاوي د دغه روغتون د ډاکټرانو ستاینه وکړه او هغوی یې لا زیات خدمت ته وهڅول او د دغه روغتون له طبي پرسونل او ناروغانو سره یې نغدي مرسته وکړه.

 

دا په داسې حال کې ده چې څو ورځې وړاندې د اسلامي امارت مشر اروزګان ولایت ته سفر کړی و.