آوا - کابل: د روغتیا نړیوال سازمان نن (سه شنبه، سنبله ۲۸) یو راپور خپور کړی او لیکلي یې دي، چې که دغه تشه ډکه نه شي، په افغانستان کې د ملاریا ناروغۍ د پراخې ناروغۍ د رامنځ ته کیدو خطر شته.

 

دغه بنسټ ویلي دي چې د روغتیايي خدمتونو په وړاندې کولو کې د شته تشو په ځواب کې یې د اسلامي امارت د عامې روغتیا وزارت له ۲۵ روغتونونو سره خپلې مرستې زیاتې کړي دي.

 

د روغتيا نړيوال سازمان وايي، د روان کال د سپټمبر له پيل راهيسې به په راتلونکو درېيو مياشتو کې له څلور سوه زرو زياتو ناروغانو ته د ثانوي روغتيايي خدمتونو د وړاندې کولو لپاره اړين درمل او روغتيايي وسايل برابر کړي.