د سوداګرۍ او صنایعو وزارت سرپرست د خصوصي سکتور له غړو او د ادارو له استازو سره په کتنه کې د هرات ولایت د سوداګرو ستونزې وڅېړلې او ټینګار یې وکړ چې هیچاته اجازه نه ورکول کېږي چې له قانوني دلیل پرته د هېواد سوداګرو ته مزاحمت جوړ کړي.

آوا - کابل: د صنعت او سوداګرۍ وزارت نن (دوشنبه، سنبله ۲۷) په ایکس ټولنیزه پاڼه کې لیکلی چې د صنعت او سوداګرۍ وزارت سرپرست نورالدین عزیزی په هرات ولایت کې د سوداګرو پر ستونزو خبرې وکړې او د خصوصي سکتور له غړو او د څانګو له استازو سره وکتل او ټینګار یې وکړ؛ هیچاته اجازه نشته چې له قانوني دلیل پرته سوداګرو ته مزاحمت وکړي.
 
دغه وزارت زیاته کړه، سرپرست وزیر په هرات کې د سوداګرو ستونزې واورېدې او د حل لارې یې ولټوي.
 
په ورته وخت کې سوداګرو د املاکو د غصب، د لېږد رالېږد لوړه بیه، د بار وړلو کثافت، د کرنې له وزارت څخه د اجازې اخیستلو او یو شمېر نورو مسایلو په اړه خپلې ستونزې څرګندې کړې.
 
په دې ناسته کې پرېکړه وشوه، چې د سوداګرو اسناد او جایدادونه به په یوه ځای کې پروسس کېږي.
 
  دغه راز په دې غونډه کې پرېکړه وشوه چې د هرات په بندر کې د سوداګرو ستونزې به د يوه پلان له مخې چې له مخې به يې ستونزې کمې شي، د لومړي وزير دفتر ته وړاندې کړي.