په فراه ولایت کې د اسلامي امارت سیمه ییزو چارواکو د خوړو نړیوال پروګرام له لوري په دغه ولایت کې پر ۲۶۸۸ اړمنو کورنیو ته د خوراکي توکو د ویش اعلان وکړ.

آوا: په فراه ولایت کې د اسلامي امارت د کلیو د بیارغونې او پراختیا ریاست وايي، چې د دغه ولایت په پرچمن ولسوالۍ کې پر ۲۶۸۸ اړمنو کورنیو باندې د خوړو نړیوال سازمان لخوا د خوراکي توکو مرسته وویشل شوه.
 
په ویشل شویو توکو کې اوړه، غوړي، دال، مالګه او د ماشومانو او شیدو ورکونکو میرمنو لپاره د غذايي موادو بسته بندي شامله وه.
 
په ورته وخت کې ګټه اخیستونکو د دغو مرستو په ترلاسه کولو خوښي څرګنده کړه او له بنسټونو یې د مرستو د دوام غوښتنه وکړه.
 
په ورته وخت کې د ملګرو ملتونو اړوند سازمانونه په افغانستان کې د مرستو د وېش لپاره د بودیجې له نشتوالي خبر ورکوي.