د افغانستان د اوسپنې پټلۍ اداره وايي چې د روان کال د اسد له ۲۷مې تر سنبلي ۲مي پورې د افغانستان د ریل پټلۍ له لارې څه باندې ۷۵ زره ۸۷۱ ټنه توکي لېږدول شوي دي.

آوا - کابل: د افغانستان د اورګاډي ادارې په یوه خبرپاڼه کې ویلي، چې دغه لیږد رالیږد د آقینې، تورغونډۍ او حيرتان بندرونو له لارې شوی دی.
 
ویل کېږي چې د افغانستان ډېره وچه او تازه مېوه د اورګاډي له لارې له هېواده بهر صادرېږي او نفتي او غیر نفتي مواد د اورګاډي له لارې افغانستان ته داخلېږي.
 
تر دې مخکې د افغانستان، ازبکستان، قرغزستان او چین ترمنځ اقتصادي دهلیز پرانیستل شوی او له دې دهلیز څخه په ګټې اخیستنې د هېواد سوداګریز توکي د اورګاډي له لارې چین ته صادرېږي او له همدې لارې چینايي توکي هېواد ته واردېږي.