د کندز د کرنې ریاست چارواکي وايي چې سږ کال د سړې هوا له امله د دغه ولایت د انګورو حاصلات ۹۰ سلنه کم شوي دي.

آوا - مزار شریف: د کندز د کرنې ریاست د کرنې د ترویج رئیس صلاح الدین وحیدي آوا ته وویل: سږ کال د انګورو حاصلات ۱ زرو او ۵۹۶ ټنه اټکل شوي چې په دغه ولایت کې د تیر کال په پرتله ۹۰ سلنه کموالی ښيي.
 
د هغه په ​​وينا، تېر کال په دغه ولايت کې ۱۰۵۶۰ ټنه انګور حاصل شوي وو.
 
وحيدي سږ کال د انګورو د حاصلاتو د کمښت اصلي لامل د تېر کال په ژمي کې ډېره سړه هوا وبلله او ويې ويل، چې انګورو د يخنۍ په وړاندې مقاومت نه کوي او ژر له منځه ځي.