امریکايي چارواکو خبرداری ورکړی چې د هاوايي ایالت په ماوي ټاپو کې د اورلګېدنې له امله د مړو شمېره ښايي نوره هم لوړه شي او په وینا یې د اورلګېدنې له امله ۸۹ کسان وژل شوي دي.

آوا: امریکایی چارواکو د هاوایی ایالت د ماوی په ټاپو کې د اورلګیدنې د زیاتیدو د احتمال خبرداری ورکړی او ټینګار یې کړی چې تر اوسه د دغې اورلګېدنې له امله ۸۹ تنه وژل شوی دی.
 
ګارډین د یکشنبې په ورځ (اګست ۱۳) راپور ورکړ چې اورلګیدنه په متحده ایالاتو کې له یوې پیړۍ څخه په ډیر وخت کې ترټولو وژونکې طبیعي اور دی.
 
اورلګېدنه د تېرې سه شنبې په نیمه شپه د "لاهتنا" د تاریخي ښار په سیمه کې پیل شوه.
 
دغه راز د هاوايي والي جوش گرین دغه پېښه «تر ټولو ناوړه طبیعي ناورین» بللې او ویلي یې دي چې اوس عملیات د زیاتو تلفاتو پر مخنیوي متمرکز دي.
 
له بلې خوا د دې سیمې یوه بل چارواکي د اور لګېدنې د احتمالي تلفاتو خبرداری ورکړ او زیاته یې کړه چې تر اوسه یوازې درې سلنه سیمه پلټل شوې او لویه برخه اور لګېدلی دی.
 
تر دې مخکې په ۱۹۱۸ کال کې په مینیسوټا او ویسکانسن ایالتونو کې په پراخو اورونو کې تر ۴۰۰ ډېر کسان وژل شوي وو.
 
په ۲۰۱۸ کې، د شمالي کالیفورنیا په جینت ښار کې اور لګیدنه ۸۵ کسان ووژل.
 
په عین حال کې، د اقلیم بدلون په مختلفو اروپایی، امریکایی او آسیایی هیوادونو اغیزه کړې، په شمول د ځنګلونو اورونه، سیلابونه، طوفانونه او وچکالۍ.