د بلخ سیمه ییز چارواکي وايي، په مزارشریف ښار کې له یوې لسیزې وروسته د غوړیو د تولید فابریکه بېرته فعاله شوې ده.

آوا - مزار شریف: د بلخ د والي ویاند حاجي زید آوا ته وویل، چې دغه فابریکه هره ورځ شپږ ټنه تولیدات لري او د ۶۰ ټنو لپاره کار لري.
 
د هغه په ​​وينا، دغه فابريکه په شخصي توګه د څه د پاسه يو نيم ميليون افغانيو په لګښت فعاله شوې ده.
 
دا په داسې حال کې ده، چې په تېره یوه لسیزه کې په بلخ کې د یو شمېر تولیدي فابریکو د غیر فعالېدو لامل د حکومت نه ملاتړ، اقتصادي ستونزې او د برېښنا نشتوالی وو، خو اوس حکومت د دې فابریکو د بېرته فعالولو په برخه کې د هر راز همکارۍ ژمنه کړې ده.