د شانګهای د همکارۍ سازمان ۲۳مه سرمشریزه سبا د هند په کوربه توب جوړېږي او د دې غونډې اصلي تمرکز له منځنۍ اسیا سره د اړیکو او د افغانستان پر وضعیت دی.

آوا: د هندي رسنیو د خبر له مخې، د هند لومړی وزیر نریندرا مودي به د جولای په ۴ مه د شانګهای د همکارۍ سازمان د ۲۳مې سرمشریزې کوربه وي.
 
سږ کال د "شانګهای د همکارۍ سازمان په لور" تر سرلیک لاندې مجازی سرمشریزه د امنیت، اقتصاد، سوداګرۍ، یووالی، حاکمیت او ځمکنۍ بشپړتیا او چاپیریال ته درناوی په اړخ دي.
 
د شانګهای د همکارۍ سازمان ټولو غړو هېوادونو لکه چین، روسیې، قزاقستان، قرغزستان، پاکستان، تاجکستان او ازبکستان ته په دې سرمشریزه کې د ګډون بلنه ورکړل شوې ده.
 
پر دې سربیره ایران، بیلاروس او منګولیا د څارونکو هیوادونو په توګه بلل شوي دي.