د کندهار ولايت د سپين بولدک ولسوالۍ چارواکي وايي، پاکستان ته يې د ٦٥ المونيمو خښتو د قاچاق مخه نيولې ده.

آوا - کندهار: د سپین بولدک د سرحدي ګمرک مامورینو پرون په یوه صادراتي بار کې د ۲،۳ ټنو وزن لرونکي ۶۵ المونیم خښتو د قاچاق مخه ونیوله.
 
د دغو چارواکو په وینا؛ ویل شوي د المونیم خښتې، چې په هوښیارۍ سره د یوې لارۍ د تیلو په ټانک کې ځای پرځای شوې وې، پاکستان ته قاچاق کېدل.
 
د یادولو وړ ده چې د اسلامي امارت د رهبرۍ په لارښوونه د صنعتي فابریکو د ملاتړ په موخه په کورنیو فابریکو کې د استعمال شوو فلزاتو په صادراتو بندیز لګول شوی دی.