يو مسافر وړونکى بس چې له کندهار څخه کابل ته روان و، تېره شپه اور ولګېد او په بشپړه توګه ويجاړ شو.

آوا - کندهار: تېر ماښام (یکشنبه، سرطان ۵) له کندهار څخه کابل ته روان یو مسافر وړونکی بس د (مقر) په سیمه کې اور ولګېد او په بشپړه توګه ویجاړ شو.
 
ويل کيږي چې په دې پيښه کې چاته زيان نه دى اوښتى.
 
تر اوسه د مالي زیان په اړه کره معلومات نشته او د اور لګېدنې لامل هم نه دی معلوم.
 
دغه مسافر وړونکی بس د سعادت شرکت اړوند دی.