د اسلامي امارت د صنایعو او سوداګرۍ وزارت وايي، په هیواد کې د «خدمتونو واحد مرکز» د هغو سوداګرو او پانګوالو لپاره چې د سوداګرۍ جواز ترلاسه کوي، د لا زیاتو اسانتیاوو د برابرولو په موخه جوړ شوی دی.

آوا - کابل: د صنعت او سوداګرۍ وزارت د یوې خبرپاڼې په خپرولو سره ویلی چې په دې غونډه کې د صنعت او سوداګرۍ وزارت سرپرست نورالدین عزیزی د صنعت او سوداګرۍ وزارت لپاره د اسانتیاوو او سیستمونو د رامنځته کولو په نوم غونډه وکړه او سوداګر او پانګوال د وزارت له کاري لومړیتوبونو څخه وبلل او د اړوندو څانګو د لا ښې همغږۍ لپاره یې اړینه وبلله.
 
هغه وویل: "زموږ همکاران باید پوه شي چې د دې مرکز له جوړېدو څخه موخه په دندو کې لاسوهنه نه، بلکې له اړوندو څانګو سره په همغږۍ د لا ډېرو خدمتونو او اسانتیاوو برابرول دي".
 
د خدماتي مرکز مشر وويل، چې د دغه مرکز له جوړېدو څخه يې موخه په هېواد کې د مراجعينو او جواز لرونکو لپاره د لا ډېرو اسانتياوو برابرول دي.
 
د غونډې ګډونوالو هم د لا ښې همغږۍ او د لا زیاتو اسانتیاوو د برابرولو په اړه خپل نظریات او وړاندیزونه شریک کړل او د یاد مرکز د جوړېدو د ملاتړ ترڅنګ یې له دغه مرکز سره د ګډو فعالیتونو په اړه هوکړه وکړه.
 
د یادولو وړ ده چې یاده غونډه د اسلامي امارت د رهبري هیئت د ۳۷۵۸ نمبر فرمان د تطبیق په موخه د صنعت او سوداګرۍ د سرپرست وزیر په مشرۍ او د امارت د څانګو د لوړ پوړو استازو په ګډون جوړه شوې وه.