په کابل کې د ایران د اسلامي جمهوریت د سفارت چارواکي وايي چې د دغه هېواد حکومت د بدخشان ولایت د تروریستي پېښې د ټپیانو د درملنې او له ټپیانو سره د مرستې په برخه کې له اسلامي امارت سره همکاري کوي.

آوا - په کابل کې د ایران سفارت په یوه ټویټ کې لیکلي، چې په کابل کې د ایران د اسلامي جمهوریت د سفارت مرستیال سید حسن مرتضوي د اقتصاد وزارت له سرپرست قاري دین محمد سره د لیدنې پر مهال د بدخشان ولایت د تروریستي پېښې د ټپیانو درملنه او له ژوندي پاتې شویو سره مرسته وکړئ.
 
دغه راز په دې کتنه کې د دواړو هېوادونو ترمنځ د دوه اړخيزو همکاريو د پراختيا لارې چارې وڅيړل شوې او د اقتصاد وزارت سرپرست هم د ايران د ښه نيت او د همکاريو د ژمنو قدرداني وکړه.
 
د يادونې وړ ده، چې د پنجشنبې په ورځ د جوزا په ۱۸ مه د فيض آباد ښار په نبوي جومات کې د بدخشان ولايت د پخواني مرستيال نثار احمد احمدي د فاتحې د مراسمو پر مهال چاودنه شوې وه، چې ګڼو کسانو ته يې مرګ ژوبله اړولې وه.