یونیسف اعلان وکړ چې د هغو افغان ماشومانو سره د مرستې لپاره یې یو نوی نوښت پیل کړی چې په شدید خوارځواکۍ اخته دي.

آوا: د ملګرو ملتونو د ماشومانو وجهي صندوق (یونیسف) اعلان وکړ چې د اپریل په میاشت کې یې په افغانستان کې د ۴۸۸۰۰ څخه زیاتو ماشومانو درملنه کړې چې په شدید خوارځواکۍ اخته دي.
 
دغه سازمان نن (چهارشنبه، جوزا ۲۴ ) په یوه ټویټ کې لیکلي چې تر ۵۶ سلنه ډېر درملنه شوي ماشومان نجونې دي.
 
دغه بنسټ ویلي دي چې په اروپايي ټولنه کې د فرانسې د ډیپلوماتیک ماموریت له خوا د څلور میلیونه یورو په مرسته یې د دغو ماشومانو درملنه کړې ده.
 
یونیسف دې مرستې ته د "انعطاف وړ مرستې" په توګه اشاره کړې او د دې ناروغانو او نورو ماشومانو لپاره چې د خوارځواکۍ له خطر سره مخ دي "ژوند ژغورونکی" ګڼلی.
 
ادارې وویل، د فرانسې مرستې د خوارځواکۍ د نښو لپاره د ماشومانو په سکرین کې هم مرسته کړې، چې د خوارځواکۍ د مخنیوي لپاره یو "ژمن ګام" دی.