د اسلامي امارت د لرغونپوهنې ریاست مسؤلینو اعلان وکړ چې د دې ادارې د مسلکي ټیم د پلټنو په پایله کې د کابل په خاکجبار ولسوالۍ کې د کوشاني دورې اړوند درې نوي لرغوني اثار کشف شوي دي.

آوا - کابل: د لرغونپوهنې رئیس ذبیح الله سادات باختر آژانس ته وویل چې د دغې ادارې د مسلکي ټیم د څیړنو په پایله کې د کابل په خاک جبار ولسوالۍ کې درې نوي لرغوني اثار کشف او ثبت شوي دي.
 
هغه زياته کړه، دغه لرغونې سيمه د کاريز په سيمه، دران خېلو بند سيمه او د ملنګ کلي سيمه د کوشانيانو په دوره کې له لومړۍ څخه تر پنځمې پېړۍ پورې اړه لري.
 
د اسلامي امارت د لرغون پېژندنې ادارې مشر ویلي، چې په دې سیمه کې تاریخي غونډۍ، د خټو غونډۍ، برجونه او تاریخي دیوالونه کشف شوي دي.
 
د هغه په ​​وينا، د دغو اثارو د پاتې شونو کشف ښيي چې په دغو لرغونو سيمو کې د ځمکې په زړه کې يو ښار و.