د لوړو زده کړو وزارت ویاند حافظ ضیاء الله هاشمي وايي، چې د دغه وزارت سرپرست مولوي ندا محمد ندیم پرون سه شنبه د جوزا ۱۶ مه د روسیې هېواد کازان ته تللی دی.

آوا - کابل: د ښاغلي هاشمي په وینا، د بهرنیو چارو وزارت د کلتوري چارو معین سعدالله بلوچ به په دغه سفر کې له ښاغلي ندیم سره مل وي او هلته به د روسیې له تعلیمي او کلتوري چارواکو سره لیدنې ولري. .
 
د دغه سفر موخه له ښوونیزو او تحصیلي مرکزونو لیدنه، د تحصیلي بورسونو لپاره مشورې او کلتوري همکاري بلل شوې ده.