د برشنا شرکت مسوولین وايي، په ۲۰۲۲ کال کې دغه شرکت له دریو هېوادونو (ایران، تاجکستان او ازبکستان) څخه د ۲۹۹ میلیونه ډالرو په ارزښت برښنا پېرودلې ده

آوا - کابل: د افغانستان د برښنا شرکت رئیس عبدالرحمن رحمانی پرون ​​(یکشنبه، جوزا ۱۴) د کلنی راپور ورکولو په غونډه کې وویل چې دغه شرکت په ۲۰۲۲ کال کې تاجکستان ته ۹۶ میلیونه ډالره ورکړی دی د برښنا د وارداتو لپاره.
 
نوموړی زیاتوي چې دغه شرکت څه باندې ۹۴ میلیونه ډالره ازبکستان ته، ۶۲ میلیونه ډالره ایران، ۴۷ میلیونه ډالره ترکمنستان او ۲۲،۳ میلیونه افغانۍ د کورنیو برښنا تولیدونکو شرکتونو ته ورکړې دي.
 
افغانستان له څه باندې یوې لسیزې راهیسې له ازبکستان، تاجکستان، ترکمنستان او ایران څخه برېښنا واردوي. دغه راز د هېواد له ١٤٠٠ ميګاواټه بريښنا څخه چې اړتيا ورته لري، اتيا سلنه يې د وارداتو له لارې برابرېږي.
 
د انرژۍ او اوبو وزارت د معلوماتو له مخې، یوازې کابل ښار په یوه ورځ او شپه کې ۷۰۰ میګاواټه برېښنا ته اړتیا لري او دا مهال د افغانستان برېښنا شرکت یوازې د ۳۵۰ څخه تر ۴۰۰ مېګاواټه برېښنا په دغه ښار کې دننه برابرولی شي.
 
د افغانستان د برښنا شرکت اجراییوي رئیس صفي الله احمدزي هم په دې خبري ناسته کې وویل چې دغه شرکت پنځه کلن ستراتیژیک پلان چمتو کړی چې پر اساس به یې د افغانستان د بریښنا د تولید د کچې د لوړولو ترڅنګ ۷۱۰ میګاواټه لمریزې او بادي انرژي تولید شي.
 
هغه زیاته کړه، له سکرو څخه د برېښنا د تولید په برخه کې لومړنۍ ارزونې روانې دي او په نږدې راتلونکي کې به له ډبرو سکرو څخه د برېښنا د تولید په برخه کې د پانګونې تړون لاسلیک شي.
 
په همدې حال کې د اسلامي امارت د حکومت د اوبو او انرژۍ وزارت وايي چې له ترکمنستان څخه افغانستان ته د ۵۰۰ ولټه برېښنا مزي د غځولو چارې او د بل کیلوواټه برېښنا مزي غځول د دغه وزارت د لنډ مهاله پلان برخه ده. په دې سره به د کابل د برېښنا ستونزه هواره شي او دغه ښار به په ساعت کې ۲۴ ساعته برېښنا ولري.
 
د اوبو او برېښنا وزارت چارواکي وايي، په پام کې لري چې په راتلونکو پنځو کلونو کې د برېښنا د بېلابېلو پروژو په پلي کولو سره په افغانستان کې د برېښنا د مصرف کچه له ۴۰ سلنې څخه ۹۰ سلنې ته لوړه کړي.