د کډوالو په چارو کې د ملګرو ملتونو عالي کمېشنرۍ (UNHCR) وايي، د جګړې له امله د بې ځایه شویو او راستنېدونکو افغانانو ملاتړ ته ژمن دی.

آوا - کابل: د کډوالو لپاره د ملګرو ملتونو عالي کمېشنرۍ (UNHCR) په یوه ټوېټ کې ویلي، چې په دې مرستو کې د معیشیت روزل او ښځو ته د دې فرصت برابرول شامل دي، چې له ځان او کورنۍ سره مرسته وکړي.
 
د ملګرو ملتونو د کډوالو عالي کمېشنرۍ وايي، په افغانستان کې د امنیتي وضعیت له ښه کېدو سره تر یو میلیون درې سوه زره ډېر کسان خپلو اصلي سیمو ته ستانه شوي دي.
 
د يادونې وړ ده، چې اوس هم د هېواد په يو شمېر سيمو کې داخلي بې ځايه شوي کسان شته او د بشري مرستو له بندېدو سره يې وضعيت ښه نه دى.