د افغانستان د بیارغونې لپاره د امریکا د ځانګړي مفتش دفتر (سیګار) وايي، که څه هم نړیوالو سازمانونو تر اوسه له ۱۳ میلیونو زیات ناچاوده توکي پاک کړي، خو ناچاوده ماینونه لا هم د افغان ماشومانو ژوند ګواښي.

آوا - کابل: د افغانستان د بیارغونې لپاره د امریکا د ځانګړي سرمفتش دفتر (سیګار) په خپل ټوېټر پاڼه لیکلي، چې د ملګرو ملتونو په همکارۍ بشري سازمانونو تر اوسه له ۱۳ میلیونو څخه زیات کورونه د ماین پاکۍ په برخه کې پاک کړي دي.
 
سيګار په هغه راپور کې هم يادونه کړې، چې په دې وروستيو کې يې خپاره کړي وو، چې د روان کال په مارچ مياشت کې د لوګر په مرکز پل علم کې د راکټ مرمۍ د لګېدو له امله دوه ماشومان وژل شوي او دوه نور ټپيان دي.
 
دغه سازمان په خپل راپور کې ویلي، چې دغو ماشومانو له دغې ناچاودې مرمۍ سره لوبې کولې.
 
سيګار زياته کړه، چې له دې پېښې څلور اونۍ وړاندې په کندهار ولايت کې هم څلور ماشومان په ورته ډول ټپيان شوي وو.
 
د سیګار په راپور کې راغلي چې له ۱۹۸۹ کال څخه تر اوسه پورې په افغانستان کې ۴۶۶۰۰ ملکي وګړي د ځمکنیو ماینونو او له جګړې څخه د پاتې شویو چاودیدونکو توکو د چاودنې له امله وژل شوي یا ټپیان شوي دي.
 
سیګار وویل چې د ماینونو او چاودیدونکو توکو د پرله پسې ګواښ له امله چې ملکي وګړو ته د جګړې څخه پاتې دي، د امریکا د بهرنیو چارو وزارت د دغو موادو د پاکولو له پروګرام سره مالي ملاتړ ته دوام ورکوي.

 تر دې مخکې په افغانستان کې د ملګرو ملتونو د بشري مرستو د همغږۍ دفتر (OCHA) هم په افغانستان کې د ځمکنیو ماینونو له ګواښ څخه یادونه کړې وه او ویلي یې و، چې په ۲۰۲۲ کال کې به له ۷۰۰ ډېر ماشومان د ماینونو د چاودنو له امله ووژل شي چې په افغانستان کې پاتې دي. جګړه.