د بغلان سیمه ییز چارواکي وايي، د دغه ولایت د تاله و برفک او جلګې ولسوالیو د ډبرو سکرو په کان کې د ګاز نیوني له امله څلور کارګر وژل شوي دي.

آوا - مزارشریف: د بغلان د پولیسو ویاند شیر احمد برهانی نن ​​پنجشنبه د جوزا په ۴ مه، آوا ته وویل چې د پشته مارک په کلي کې د ډبرو سکرو په کان کې د ګاز نیوني له امله دوه وروڼه مړه شوي دي.
 
هغه زياته کړه، چې له دې پېښې سره سم، د جلګې ولسوالۍ د شاهکل چنارک په سيمه کې د ډبرو سکرو په کان کې د ګاز نیوني له امله يو پلار او زوى وژل شوي دي.
 
په هېواد کې د ډبرو سکرو په کانونو کې د ګاز ډبولو لويه ستونزه ده، چې په غير معياري ډول استخراج کېږي او هر کال لسګونه کارګران وژني.