د ملګرو ملتونو عمومي منشي انتونیو ګوترش او د ایران د اسلامي جمهوریت د بهرنیو چارو وزیر حسین امیر عبداللهیان د افغانستان په اړه خبرې کړې دي.

آوا - کابل: اناتولی نن پنجشنبه د ثور ۲۸ مه د ملګرو ملتونو د عمومی منشی د ویاند سټیفن دوجاریک له قوله راپور ورکړی، چې دغه خبرې اترې د ټیلیفون له لارې ترسره شوې.
 
د ګوتریش او عبداللهیان ترمنځ د افغانستان پر وضعیت سربېره د یمن او ایران د اټومي هوکړې په اړه هم خبرې شوې دي.
 
د دې خبرو نور جزیات نه دي خپاره شوي.
 
له عبداللهیان سره د ګوترش خبرې د قطر په دوحه کې د افغانستان په اړه د ملګرو ملتونو د ځانګړې غونډې له جوړېدو شاوخوا دوه اوونۍ وروسته شوې. په دې کتنه کې چې د افغانستان په چارو کې د ایران ځانګړي استازي هم حضور درلود.