د کندز د کرنې ریاست چارواکي وايي، سږ کال به له دغه ولایت څخه څه باندې ۵۸۰ زره مټریک ټنه غنم حاصل شي چې د تېر کال په پرتله پنځه سلنه زیاتوالی ښيي.

آوا - مزارشریف: په داسې حال کې چې په کندز کې د غنمو د حاصلاتو فصل پیل شوی، د کندز د کرنې ریاست د کرنې رئیس صلاح الدین وحیدي آوا ته وویل: سږ کال په کندز کې پر ۱۵۸ هکتاره اوبولګولو او ۳۹ زره ۳۱۳ هکتاره للمي ځمکې غنم کرل شوي دي.
 
هغه زياته کړه، چې سږ کال د غنمو حاصلات ٥٥٣ زره مټريک ټنه او د سپينو غنمو حاصلات ٢٧٥١٩ مټريک ټنه اټکل شوى دى.
 
د وحيدي په وينا، سږ کال د نيالګيو په حاصلاتو کې د تېر کال په پرتله دوه تر پنځه سلنه زياتوالى ښيي، خو د اورښتونو د کمښت له امله د وچو غنمو حاصلات کم شوي دي.
 
کندوز ته د شمال د شاتو مچۍ ویل کېږي، ځکه د شمالي ولایتونو ډېری غنم له همدې ولایته ترلاسه کېږي. مناسبه هوا او پراخې ځمکې په دغه ولایت کې د غنمو د لوړ تولید عمده عوامل دي.