د تخار ولايت امنيتي چارواکي وايي، چې په تېره يوه اوونۍ کې يې د دغه ولايت په مرکز او ولسواليو کې څه باندې ٩٠٠ جريبه ځمکه له کوکنارو پاکه کړې ده.

آوا - مزار شریف: د تخار د امنیې قوماندانۍ ویاند عبدالمبین صافی نن چهارشنبه د ثور په ۲۰ مه، آوا ته وویل چې د تیرې یوې اونۍ په ترڅ کې د نشه یی توکو پر وړاندې د مبارزې مدیریت منسوبینو ۹۳۰جریبه ځمکه په مرکز او ددی ولایت د ۱۶ ولسوالیو کې د کوکنارو څخه پاکه کړي ده.
 
هغه زیاته کړه، دا بهیر به په تخار کې د کوکنارو تر بشپړ له منځه وړلو پورې دوام وکړي.
 
د تخار د پولیسو ویاند دا هم وویل چې کروندګر باید په خپلو ځمکو کې د کوکنارو پر ځای حلال فصلونه وکري.
 
په ورته وخت کې د تخار اوسېدونکي د امنیتي ځواکونو دغه اقدام ته خوشبینه دي او له حکومته غواړي چې د نشه‎يي توکو د قاچاقبرانو مخه هم ونیسي.
 
په ورته وخت کې د اسلامي امارت له نشه يي توکو سره د مبارزې معینیت نن اعلان وکړ چې په افغانستان کې د کوکنارو څلور زره هکتاره کرل شوې ځمکه له منځه تللې ده.