د اسلامي امارت د صنایعو او سوداګرۍ وزارت ویلي دي چې د ایران له اسلامي جمهوریت سره تر خبرو اترو وروسته د افغانستان او ایران ترمنځ د «اسلام قلعه» مهمه پوله ۲۴ ساعته خلاصه شوه.

آوا - کابل: د اسلامي امارت د صنایعو او سوداګرۍ وزارت یوه ویډیو خپره کړه او اعلان یې وکړ چې د کابل او تهران تر منځ د سوداګرۍ او ټرانزیټ د ودې په موخه د شوې هوکړې په پایله کې د «اسلام قلعه» مهمه سرحدي پوله ۲۴ ساعته پرانیستل شوه.
 
د صنایعو او سوداګرۍ وزارت په اعلامیه کې راغلي: د سوداګرۍ او ټرانزیټ د ودې لپاره د ایران اسلامي جمهوریت ته د ایران د صنایعو او سوداګرۍ د وزارت د مشرتابه له خبرو اترو او کتنې وروسته کاري ساعتونه ۲۴ ساعته وغځول شول.
 
د اسلامي امارت د صنعت او سوداګرۍ رئیس نورالدین عزیزي د تیر کال په حوت په میاشت کې د ایران د اسلامي جمهوریت خراسان رضوي ښار ته د خپل سفر او د دغه ولایت له والي سره د کتنې په ترڅ کې غوښتنه وکړه چې د اسلام قلعه ګمرک دې ۲۴ ساعته خلاص وي.
 
د خراسان رضوي ولایت د چارواکو له خوا د خپرو شویو شمېرو له مخې، د اسلام قلعه له بندره هره ورځ په منځني ډول د ۵۰۰ موټرو داخلېدل او وتل.
 
د يادونې وړ ده، چې تر دې وړاندې د اسلام قلعه بندر کاري ساعتونه اته ساعته وو.