د غور ولایت سیمه ییز چارواکي وايي، په دغه ولایت کې ۳۵ لرغوني اثار موندل شوي، چې د غوریانو د واکمنۍ له دورې سره تړاو لري.

آوا - هرات: د غور ولایت د اطلاعاتو او کلتور ریاست د تاریخي ابداتو رییس ملا نظام الدین ابراهیمي په یوه خبري ناسته کې رسنیو ته وویل: له څه مودې راهیسې د "مینار جام" د پیاوړتیا لپاره کار روان دی. د هېواد د اطلاعاتو او کلتور وزارت د لرغون پېژندنې انجنیرانو د یوې ډلې تر څارنې لاندې ده.
 
هغه زياته کړه: د جام منار په سيمه کې د کيندلو په پايله کې ١٥ فلزي سکې او ٢٠ ټوکرۍ د خټين پړانګونو څخه، چې غالباً د غوري دورې دي، موندل شوي دي.
 
ابراهيمي دغه راز څرګنده کړه: دغه کشف شوي اثار د غور ولايت د اطلاعاتو او کلتور سيمه ييز موزيم ته سپارل شوي دي.
 
ویل کیږي، چې د غور ولایت د جام تاریخي منار د دغه ولایت یو له پخوانیو تاریخي ابداتو څخه دی، چې د تېر حکومت د چارواکو د بې غورۍ او د امنیت د نشتوالي له امله زیانمن شوی دی.