د قزاقستان د بهرنیو چارو د وزارت ویاند ویلي دي چې دغه هیواد په پام کې لري چې په افغانستان کې خپله د سوداګرۍ خونه پرانیزي او د دې خونې له لارې به د افغانستان د اړتیا وړ توکي لکه اوړه، غنم، د ریل پټلۍ تخنیکي وسایل برابر کړي.

آوا - کابل: د قزاقستان رسنیو (کازینفرم) د دوشنبې په ورځ د قزاقستان د بهرنیو چارو د وزارت د ویاند ایبیک اسمادیروف له قوله خبر ورکړی، چې دغه پرېکړه د قزاقستان د بهرنیو چارو وزارت د پلاوي د سفر په ترڅ کې شوې ده. افغانستان او له دې سره په خبرو کې په کابل کې د اسلامي امارت د چارواکو له خوا منل شوې ده.
 
د خپرو شویو معلوماتو له مخې، د قزاقستان د حکومت یو پلاوی د دغه هېواد د لومړي وزیر د مرستیال او د سوداګرۍ وزیر سیریک جمنګارین په مشرۍ په کابل کې د اسلامي امارت له چارواکو سره لیده کاته کوي.
 
دغه پلاوي پرون مازدیګر د کابل په هوايي ډګر کې د اسلامي امارت د صنایعو او سوداګرۍ وزارت سرپرست نورالدین عزیزي ته له قزاقستان څخه د بشري مرستو لېږد رالېږد کړ.
 
اسماد یاروف وویل: "څرنګه چې نړیواله ټولنه په دې پوهیږي چې په افغانستان کې اقتصادي سقوط او بشري بحران ته اجازه نه ورکول کیږي، موږ باید له دغه هیواد سره سوداګریزې او اقتصادي اړیکې پراخې کړو." باید یادونه وشي چې د زیربنایي پروژو پلي کول د قزاقستان او افغانستان ترمنځ د اړیکو د پراختیا او په ځانګړې توګه په منځنۍ او جنوبي اسیا کې د هماهنګۍ د بهیرونو په برخه کې د یو عامل په توګه مهم دي.
 
د قزاقستان د بهرنیو چارو وزارت ویاند همداراز وویل، هېواد به یې اوړه، غنم، د ریل پټلۍ تخنیکي وسایل، د لبنیاتو او لمر ګل غوړي د خپلې سوداګرۍ خونې له لارې افغانستان ته ورسوي.
 
په افغانستان کې د قزاقستان د سوداګرۍ خونې د بیا پرانیستلو په اړه څه نه دي ویل شوي.
 
کابل ته د قزاقستان د پلاوي سفر د تېر کال د حوت میاشت کې د اسلامي امارت د بهرنیو چارو له سرپرست وزیر سره د دغه هېواد د سفیر له کتنې وروسته وشو.