آوا - کابل: د صنایعو او سوداګرۍ وزارت نن سه شنبه د حمل ۲۲مه، په خپله ټویټر پاڼه کې اعلان وکړ چې په ۱۴۰۱ کال کې د پانګونې په برخه کې د ښځو حضور د تېر کال په پرتله ۶۶ سلنه ډېر شوی دی.

 

دغه وزارت زیاته کړې، چې د هېواد په پانګونې او اقتصادي برخو کې د ښځو حضور کولای شي د کورنیو خوراکي خوندیتوب زیات کړي او په هېواد کې د بې وزلۍ کچه محدوده کړي.

 

د صنایعو وزارت په یوه خبرپاڼه کې لیکلي دي: الحمدلله چې د تیر کال په پرتله په ۱۴۰۱ کال کې په هیواد کې د پانګونې په برخه کې د ښځو حضور ۶۶ سلنه زیات شوی دی او د هیواد د پانګونې او اقتصاد په برخه کې د ښځو حضور کولای شي. د کورنیو د خوړو خوندیتوب او په هیواد کې د بې وزلۍ د کچې لوړول.»

 

د يادونې وړ ده، چې په هېواد کې له سياسي بدلون وروسته له دولتي ادارو څخه زيات شمېر مېرمنې بېکاره شوې او خصوصي کارونو او په ځانګړې توګه وړې پانګونې ته يې مخه کړې ده.